He patapatai mō ngā mātauranga me te whakamahi a te Māori i ngā hekaheka
He whānui tonu ngā mōhio o ngā tūpuna Māori ki ngā hekaheka me ngā painga anō o ētahi. He kai ētahi, he rongoā ētahi, mō te tā moko ētahi, hei tahu ahi kē ētahi.
I tēnei mahi, ka whakamātau ngā ākonga i tō rātou mōhio ki ngā mātauranga o ngā tūpuna ki ngā hekaheka me tā rātou whakamahi i ngā hekaheka. He patapatai tuihono, he patapatai ā-pepa anō. He pai te patapatainga nei hei mahi tuatahi e kitea ai pēhea rawa te mōhio o ngā ākonga ki ēnei āhuatanga, hei aromatawai whakakapi rānei, hei mahi hāhau pārekareka rānei e tūtaki ai ngā ākonga ki ētahi o ngā painga o te hekaheka me ngā mōhiotanga ki te hekaheka.
He patapatai mō ngā mātauranga me te whakamahi a te Māori i ngā hekaheka
Hei te otinga o tēnei mahi, te tikanga kua āhei te ākonga:
te whakautu i ētahi pātai whāiti mō ngā painga o te hekaheka hei kai, hei rongoā anō
te tirotiro, te whakatika rānei i āna whakautu mā te whāwhā i ngā rauemi ipurangi e hāngai ana
te tautohu i ētahi o ngā hekaheka o Aotearoa me ngā painga o tēnā, o tēnā.
Tīkina te kōnae Word (kei raro nei te hononga).
He whakamihi
I hua ake tēnei rauemi i tētahi aratohu pūtaiao mā ngā kaiako, ko Ngā Hekaheka o te ingoa. I tuhia te aratohu nei e Tākuta Peter Buchanan, o Manaaki Whenua; Tākuta Georgina Stewart, o Te Kura , Te Whare Wānanga o AUT; me Hēni Jacob. He mea tuhi ngā rauemi nei i runga i te aro nui ki te titiro a te Māori ki ēnei āhuatanga.
Tēnei te mihi a te Pokapū Akoranga Pūtaiao ki a Manaaki Whenua me ngā kaituhi kua whakaae nei, kua āwhina nei anō hoki i te whakawhitinga o ngā kōrero nei hei rauemi ipurangi. E taea ana tētahi tauira whitihiko o te Aratohu mā te Pouako te tiki atu i Huia Publishers.
